ضو الموتور
جيبها قريباً- شو يعني
- الكمبيوتر لقى عطل بالموتور أو بالانبعاثات. إذا ثابت، فيك تسوق بس جيبها قريباً. إذا عم يرمش، خفّف السرعة وما تكمّل مشوار طويل.
- شو تعمل
- منقرا الكود ومنفحص السبب الحقيقي.
شو يعني هالضو؟
كبوس عالضو يلي طالعلك عالطبلون لتعرف شو معناه وقديش مستعجل.
ضو البطارية
وقّف بأمان- شو يعني
- السيارة ما عم تشحن: يا الدينامو، يا البطارية، يا الشريط. فيك تخلص كهربا وتوقف بنص الطريق.
- شو تعمل
- طفّي التكييف والإضافات وتعا مباشرة.
ضغط الزيت
وقّف بأمان- شو يعني
- ضغط الزيت واطي. كل دقيقة سواقة فيها خطر عالموتور.
- شو تعمل
- وقّف بأمان وطفّي الموتور، واتصل فينا.
حرارة الموتور
وقّف بأمان- شو يعني
- الموتور عم يسخن زيادة. ممكن مي الراديتير ناقصة أو المروحة ما عم تشتغل.
- شو تعمل
- وقّف وطفّي. ما تفتح غطا الراديتير وهو سخن.
ABS
جيبها قريباً- شو يعني
- نظام منع انغلاق الفرامل مطفي. الفرام العادي شغّال، بس بلا ABS عالطرقات المبلولة. غالباً حساس دولاب.
- شو تعمل
- سوق على مهلك ومنفحص الحساسات.
الإيرباغ
جيبها قريباً- شو يعني
- الإيرباغ ممكن ما يفتح إذا صار حادث. غالباً شريط تحت الكرسي أو حساس.
- شو تعمل
- ما تأجّلها كتير. منقرا الوحدة ومنحدد العطل.
الفرامل
وقّف بأمان- شو يعني
- يا فرام اليد مرفوع، يا زيت الفرامل ناقص. إذا نزّلت فرام اليد وبعدو ضاوي، الفرامل بخطر.
- شو تعمل
- ما تسوق إذا الضو ضاوي ودعسة الفرام رخوة.
ضغط الدواليب
جيبها قريباً- شو يعني
- في دولاب ناقص هوا، أو حساس الضغط معطّل.
- شو تعمل
- افحص الهوا أول شي. إذا الضو ضل، الحساس منبرمجه.
الدركسيون الكهربا
جيبها قريباً- شو يعني
- الدركسيون الكهربا ممكن يتقل فجأة، خصوصاً عالبطيء.
- شو تعمل
- سوق على مهلك وتعا. غالباً حساس أو كمبيوتر الدركسيون.
نظام الهايبرد
وقّف بأمان- شو يعني
- عطل بنظام الهايبرد أو بطارية الـ high voltage. السيارة ممكن تخفّف قوتها أو توقف.
- شو تعمل
- وقّف بأمان. ما تحاول تفك شي لحالك، الفولتاج عالي.
هالمعلومات عامة. كل سيارة إلها حالتها، فاسألنا قبل ما تقرر.
خبّرنا عن سيارتك
اختار، ومنحضّرلك رسالة واتساب جاهزة.